கடுப்பு

01. பயணம் படத்தில் விமானத்தைக்
கடத்துபவர்களை முஸ்லீம்களாகவும்,
பாகிஸ்தானிலிருத்து வருபவர்களாகவும்
காட்டியிருப்பது.
நீங்களுமா ராதாமோகன்?

02. கலைஞரின் ஆட்சிக்காலம்
தமிழர்களின் பொற்காலமென
தமிழக அரசு விருது வழங்கிய
விழாவில் ஜெயகாந்தனின்
பாராட்டு.
நீங்களுமா ஜெயகாந்தன்?

03. திருவண்ணமலை கோவில்
நிர்வாகம் பிரசாதம் தயாரிப்பதற்கு
கூட பிராமணர்கள் மட்டும்
தேவையென ஒரு விளம்பரம்
செய்துள்ளது. அதை சென்னை
உயர்நீதிமன்றமும்
அங்கீகரித்துள்ளது.
நீங்களுமா நீதி தேவதையே?

துளிகள்

எந்திரன் பார்த்தாச்சு..ஷ்.. அப்பாடா... என் பையன்
பார்க்கிற வீடியோ கேம்ஸ் எவ்வளவோ தேவலை.
ஒரே ஆறுதல் இடைவேளை வரை புன்னகைக்க
வைக்கிற சுஜாதாவின் வசனம்.




ஆஸ்திரேலிய மண்ணில் இந்தியர்களை உதைக்கிறார்கள்.
இந்திய மண்ணில் ஆஸ்திரேலியர்களை உதைத்திருக்கிறோம்.



தேனீக்களை வளர்க்கும் பெட்டியில் வெல்லப் பாகுடன்
தேனீக்கள் இறந்து போகாமல் இருக்க நான்கு வகை
ஆன்ட்டி பயாட்டிக் மருந்துகளை கலக்கிறார்கள். இந்த
மருந்து கலக்கப் பட்ட வெல்லப் பாகினை தான்
தேனாக நாம் பருகிக் கொண்டிருக்கிறோம். மருத்துவம்
சொல்கிறது அதிக ஆன்ட்டி பயாட்டிக் உடலுக்கு விஷம்.
இனிக்கும் விஷம்.



மணிப்பூரைச் சேர்ந்த ஷர்மிளா என்ற மனித உரிமையாளர்
பத்து வருடங்களாக உண்ணாவிரதம் இருந்து வருகிறார்.
அரசு கட்டாயப் படுத்தி நாசி வழி திரவ உணவு கொடுத்து
வருகிறது. ஷர்மிளாவின் உடல் நலிந்து கொண்டே
இருக்கிறது. ஆயுதப் படைக்கு இருக்கின்ற சிறப்பு
உரிமைகளை தடை செய்யச் சொல்லி போராடிக்
கொண்டிருக்கிறார்.சிறப்பு உரிமை என்பது எந்த நேரத்திலும்
ஆண்களை சித்திரவதை செய்து கொல்லவும், பெண்களை
வன்புணர்ந்து கொல்லவும் உபயோகிக்கப் படுவது. இதே
காரணத்திற்காக முன்பு பெண்கள் நிர்வாண போராட்டம்
நடத்தியது ஞாபகத்திலிருக்கக்கூடும்.



லியூசியாபோவுக்கு இந்த வருட அமைதிக்கான
நோபல் விருது . சீன அரசு இவருக்கு
பதினோரு வருட சிறை தண்டனை விதித்துள்ளது.
காரணம் இவர் ஒரு மனித உரிமைப் போராளி.
தியான்மென் சதுக்கத்தில் நடைபெற்ற மனித
படுகொலையை எதிர்த்து எழுத ஆரம்பித்தவர்.
இவர் உரிமைச் சாசனம் ஒன்றை தயாரித்து
வெளியிட்டுள்ளார். இந்த உரிமைச் சாசனம் 08
என்பது 350 மேற்பட்ட சீன அறிஞர்களால் முதலில்
கையெழுதிடப்பட்ட உரிமைப் பிரகடனச் சாசனம்
ஆகும். இது சீனாவில் சர்வதிகாரம் முடிக்கப்பட்டு,
மக்களாட்சி வர வேண்டும் என்றும், மனித
உரிமைகள் மதிக்கப்பட வேண்டும் என்றும் வேண்டுகிறது
மிகச் சரியாக பதினோரு வருடங்களுக்கு முன்
ஆங் ஸாங் சூ கி என்ற பர்மிய அரசியல் போராளிக்கு
நோபல் அமைதி பரிசு கிடைத்தது. இவரும் இன்னமும்
சிறையில் தானிருக்கிறார். இந்த நேரத்தில்
காந்திக்கு நோபல் மறுக்கப் பட்டது குறித்து
நோபல் கமிட்டி சொல்லி வரும் சால்ஜாப்புகள்
ஞாபகத்திற்கு வருவதைத் தடுக்க முடியவில்லை.

துளிகள்

அயோத்தி வழக்கு பற்றிய லக்னோ உயர் நீதிமன்ற தீர்ப்பு
குறித்து ஊடகங்களும், இந்து அமைப்புகளும் தங்கள்
திருப்தியினை பதிவு செய்துள்ளனர்.
இது குறித்து ரொமிலா தாப்பர் ஒரு விமர்சனம்
வைத்துள்ளார்.
இது ஒரு அரசியல் தீர்ப்பு.
பல ஆண்டுகளுக்கு முன்னால் அரசே எடுத்திருக்கக்
கூடிய ஒரு முடிவை இது பிரதிபலிக்கிறது.
இந்தத் தீர்ப்பு மத அடையாளங்களை உள்ளடக்கிய
தற்கால அரசியலின் சிக்கலையும்பிரதிபலிக்கிறது.
சுமார் 500 ஆண்டுகளுக்கு முன்னால் கட்டப்பட்ட
ஒரு மசூதி ஒரு கும்பலினால் திட்டமிடு இடித்து
நொறுக்கப் பட்டது. ஒரு அரசியல் தலைமையினால்
இது ஊக்குவிக்கப் பட்டது. திட்டமிட்டு செய்யப்பட்ட
இந்த அழிவுச் செயலைக் குறித்து நீதிமன்றம்
எதுவும் கூறவில்லை. ஊகித்துக் கருதப்படும்
கோவில் தகர்க்கப் பட்டது கண்டனம் செய்யப்
பட்டுள்ளது.
ரொமிலா தாப்பர் பழங்கால இந்தியா பற்றிய
ஒரு புகழ் பெற்ற வரலாற்றாசிரியர்.

**********************************************

எந்திரன் குறித்த விமர்சனத்தை விட எந்திரனின்
அரசியல் படு சுவாரஸ்யம்.
எங்கள் ஊரில் ஒரு தியேட்டர் நீங்கலாக மற்ற
அனைத்து தியேட்டர்களிலும் எந்திரன் ரிலீஸ்.
ஒரு டிக்கெட் ரூ.300.
இதுதான் முதலாளித்துவ பொதுவுடமை
சித்தாந்தமோ?

*********************************************

ரஜினி வீட்டு விசேஷத்தில் பாடிய அருணாசாய்ராம்
ரஜினியின் பாராட்டுக் கேட்டு பரவசமானார் என
பத்திரிக்கையில் ஒரு செய்தி வந்துள்ளது.
அருணாவின் ’என்ன கவி பாடினாலும்’
’மாடு மேய்க்கும் கண்ணே’ இன்ன பிறவற்றிலும்
மோகித்துக் கிடக்கும் எனக்கு இந்த செய்தி
ஆச்சர்யத்தை கொடுக்கிறது.
மேதைகளும் மனிதர்கள் தான்.

மீண்டும் ஒரு

மற்றொரு பிலாக்கிலும்
எழுத ஆரம்பித்துள்ளேன்.
தங்களின் வருகைக்கும்
வாசிப்புக்கும் கீழே :

http://thejushivan.blogspot.com

முடிவல்ல ஆரம்பம்

இன்னும் சிறிது நேரத்தில்
பத்தாம் வகுப்பு தேர்வு
முடிவு வரப் போகிறது.
வென்றவர்களுக்கு
வாழ்த்துக்கள்.
வெற்றி பெற
இயலாதவர்களுக்கு
நம்பிக்கை.
தோல்வி என்பது
வெற்றியின் குழந்தைப் பருவம்.
பெற்றொர்களுக்கு ஓர் வேண்டுகோள்:
மதிப்பெண் அடிப்படையில்
உங்கள் குழந்தைகளை
அணுகாதீர்கள்.

60X40

பிளாட் வாங்கலியோ பிளாட்.
கூவிக் கூவி அழைப்பது என் காதிலும்
விழத்தான் செய்கிறது.
ஆனா வாங்கத்தான் மனசில்லை.
எனக்கு பிபி இருக்கு.
எனக்கு கொலஸ்ட்ரால் இருக்கு.
எனக்கு சுகர் இருக்கு.
என்பது போல ஊருக்கு வெளியே எனக்கு
ரெண்டு பிளாட் இருக்கு.
என்று சொல்லாத ஆட்களை
இப்போது விரல் விடாமலே
எண்ணிவிடலாம்.
அதில் அடியேனையும் சேர்க்க.
மேலே சொல்லப்பட்ட ஊருக்கு வெளியே
என்பது ஒரு Under statement.
அடுத்த ஊருக்கு அருகே எனப் பொருள்
கொள்க.
நெருங்கி காதோடு காதாக விசாரித்தால்
யார்யா அங்கே வீடு கட்டுவார்கள்?
எல்லாம் இன்வெஸ்ட்மெண்ட்டுக்குத்தான்.
Warren Buffet போல் மந்தகாசத்துடன்
சொல்கிறார்கள்.
பொண்ணு படிப்பா...
பையன் கல்யாணமா..
ஒரு பிளாட்டை வித்தாப் போதும்.
அது சரி. இப்படியேப் போனா
அதை யார் வாங்குவா?
அமெரிக்காவில் இதானே நடந்தது.
அமெரிக்கப் புலி சூடு
பட்டதுக்கு எல்லா நாட்டுப்
பூனைக்குட்டிகளும்
மியாவ்..மியாவ்.. ன்னு
கத்தினது காதில் இன்னும்
கேட்டுட்டுதானிருக்கு.
நம் மனசை 60 க்கு 40
என்று சுருக்கிக் கொள்ளாமல்
ஆகாயம் அளவுக்கு
விரிவாக்குவோம்.
விளைநிலங்களை
பாதுகாப்போம்.
விவசாயிகளை விவசாயிகளாய்
இருக்க விடுவோம்.

கடவுளின் புத்திரர்கள்

கவிஞர்களின் கவிஞர்கள் :
பாரதி
ஞானக்கூத்தன்
தேவதேவன்
பசுவய்யா
கல்யாண்ஜி
மீரா
விக்கிரமாதித்யன்
மனுஷ்யப்புத்திரன்
சல்மா
சுகிர்தராணி

முன்னவர்கள்

தமிழில் எழுதுபவர்களுக்கான
ஆசான்கள் :

பாரதி
மெளனி
புதுமைப்பித்தன்
தி.ஜானகிராமன்
லா.ச.ரா
அசோகமித்ரன்
ஜெயகாந்தன்
ஆதவன்
இந்திரா பார்த்தசாரதி
சுந்தரராமசாமி
சா.கந்தசாமி
வண்ணநிலவன்
வண்ணதாசன்
நாஞ்சில்நாடன்
அம்பை
சுஜாதா
தஞ்சை ப்ரகாஷ்
ஜெயமோகன்
எஸ்.ராமகிருஷ்ணன்
சாருநிவேதிதா
கிருஷ்ணா டாவின்சி
இரா.முருகன்

திரு நாள்

இன்று உலகப் புத்தக தினம்.
இதை ஆசிரியர் தினமாகவும் கொண்டாடலாம்.
ஒவ்வொரு புத்தகமும் ஒரு ஆசிரியர்தானே?
ஒவ்வொரு வீட்டிற்கும் ஒரு நூலகம்.
இதை நடைமுறைப் படுத்தினால்
உலகில் பல நல்ல விஷயங்கள் தானாகவே
நடக்கும். இது குறித்த சிந்தனையை
பரவலாக்கினாலே போதும்.
நம் குழந்தைகளுக்கு புத்தகங்களின்
ருசியைக் காட்டிவிட்டால்
அவர்கள் விடமாட்டார்கள்.
தொலைக் காட்சி எனும் நோய்க்கு
புத்தகங்களே சிறந்த மருந்தாகும்.

இப்போதெல்லாம்
நூலகங்களில்
காற்று மட்டும்தான்
புத்தகங்களைப்
புரட்டிக்கொண்டிருக்கிறது.

மேலேச் சொன்ன கவிதையை
மாற்றி எழுதும் பொறுப்பு
நம் அனைவருக்கும் உண்டு.

நம்மைச் சுற்றிலும்
புத்தகங்கள் இறைந்து கிடப்பது என்பது
குழந்தைகள் சூழ வாழ்வது
போன்று சந்தோஷமானது.
கடவுளின் அருகில் இருப்பது
போன்று தைரியமானது.

நம் அனைவருக்கும்
கடவுளின் அருகாமையும்
குழந்தைகளின் நட்புமான
வாழ்க்கை அமையட்டும்.

திரை கடலோடியவர்கள்

சொந்த மண்ணைப் பிரிந்து தொலை தூரம்
சென்று இவர்கள் அடைந்தது என்ன?
பணம்.
பணம் மட்டும் தான் மனிதனின் சந்தோஷமா?
ஆம் என்று சொல்பவர்கள் சற்று விலகிவிடுங்கள்.
இவர்கள் இழந்ததை பட்டியலிட்டால்
நீண்டு விடும் சாத்தியமுண்டு.
அதற்கு முன்பாக சொலவதற்கு ஒன்றுண்டு.
எந்த மண்ணின் வீரியம் உறிஞ்சி வளர்ந்தோமோ
அந்த மண்ணிற்கே பூக்களையும், கனிகளையும்
கொடுப்பதுதானே சரி.
அதை விடுங்கள்.
இவர்களின் சுற்றத்தினர்களால் இவர்கள்
உறிஞ்சப்படுவதை இவர்களே அறிவதில்லை.
அறியும் நேரத்தில் எல்லாம் கை மீறி
விடுகிறது.
மற்றொன்று.
இவர்கள் மத்ய வயதைத் தாண்டியதும்
இவர்களுக்குள் சலன வட்டங்கள்.
குழந்தைகள் எந்த சாயலில் வளர்வார்கள்?
?????????????
மண்டையைப் பிறாண்ட ஆரம்பித்து விடுகிறது.
முள் கிரீடம்.
துறக்கமுடியுமா?
அதன் பின் NOSTALGIA.
எவ்விதம் விடுபடுவார்கள்?

உரிமை மீறல்

6 வயது முதல் 14 வயது வரையிலான அனைத்துக் குழந்தைகளுக்கும்
இலவச மற்றும் கட்டாய கல்வி பெறுவதற்கான அடிப்படை உரிமைச்
சட்டம் ஏப்ரல் 1 ஆம் தேதி முதல் அமுலுக்கு வந்துள்ளது.
இதை அமுல் படுத்துவதில் 135 வது நாடாக பின் தங்கினாலும்
அரசுக்கு முதலில் நன்றி.
குழந்தைகள் பள்ளிக்குப் போகாததற்குக் முதல் காரணம்
வறுமை. பின் பெற்றோர்களின் அறியாமை.
அதன் பின் குழந்தைத் தொழில்.
இதற்கு அரசு என்ன செய்யப் போகிறது ?
எல்லாவற்றையும் அரசாங்கம் பார்க்க வேண்டும்
என்று நாம் சும்மா இருந்து விட முடியாது.
நமக்கும் சில சமூகக் கடமைகள் உண்டு.
ஒவ்வொரு துளியும் சமுத்ரமாய் மாறும்
சாத்தியமுண்டு.
”அகல உழுவதை விட ஆழ உழுவது பயன்”.
ஒவ்வொரு தனி மனித குழுக்கள், மற்றும்
வளமான நிறுவனங்களும் ஒவ்வொருப் பகுதியைத்
தத்து எடுத்துக்கொள்ளவேண்டும். அங்குள்ளப்
பெற்றோர்களை அடுத்தத் தளத்திற்கு
அழைத்துச் சென்றாலே பாதி பிரச்னைத்
தீர்ந்து விடும். அதற்கு முன்னதாக அவர்களின்
பொருளாதார தரத்தை மேலுயர்த்துவதற்கான
சாத்தியங்களை அவர்களுக்கு ஏற்படுத்திக்
கொடுக்கவேண்டும்.
ஆசிரியர்களுக்கு இதில் மிகவும் முக்கிய
பங்குண்டு. அவர்கள் இதை வெறும் சம்பளம்
வாங்கும் வேலையாக மட்டும் பார்க்காமல்
அதையும் தாண்டி ஆக்கப்பூர்வமாகச் செயல் பட
வேண்டும்.
சுருக்கமாகச் சொன்னால் இது ஊர் கூடி
தேர் இழுக்கும் விஷயம்.
ஆளுக்கு ஒரு கை கொடுப்போம்.

இழந்த சொர்க்கங்கள்

அம்மாவின் மடி.
விடியல் வெளிச்சம்.
அஸ்தமனச் சூரியன்.
வானவில்.
மழைக் குளியல்.
பக்கத்து வீட்டுக் குழந்தையின்
புன்னகை.
எதிர் வீட்டுத் தாத்தாவின்
விசாரிப்பு.
நடு இரவு நடை.
எப்போதும் காதில்
ஒரு சங்கீதம்.
முன்னாள் காதலியின் பார்வை.
சுய நிர்வாணம்.
இழந்தவைகளின்
பட்டியல் இன்னமும்
நீளக்கூடும்.

Most of us miss out on life's big prizes.
The Pulitzer. The Nobel. Oscars. Emmys.
But we are all eligible for life's small
pleasures. Don't fret about getting life's
grand awards. Enjoy its tiny delights.
They are plenty for all of us.

நன்றி ROBIN SHARMA.

தோழர்கள் எல்லாம்
ராபின் ஷர்மாவுக்கு
ஒரு ’ஓ’ போடுங்க.

5 கேள்விகள்

1. இழப்பு உறுதி என்று தெரிந்து தானே
அரசு Nuclear Damage Bill க்கு
ஒப்புதல் அளிக்கத்துடிக்கிறது ?

2. மகளிர் மசோதாவால் மிகவும்
பயனடையப் போவது மகளிரா?
ஆடவரா?
3. அடிப்படைக் கல்வி குறித்து
விவாதிக்கப்படாமைக்குக்
காரணம் எல்லோருடையக்
குழ்ந்தைகளும் படித்து முடித்து
வேலையில் சேர்ந்து விட்டார்களா?

4. புதிதாக மதம் மாறுபவர்கள்
தாய் மதம் குறித்து ஆக்ரோஷமாய்
விமர்சனம் எழுப்புவது ஏன்?

5. அன்று Memonto வின் xerox
Ghajini.
இன்று Chetan Baghat ன் Xerox
3Idiots.
பிறர் உழைப்பைத் திருடலாமா
Mr.AmirKhan?

chatல் வந்தவர்

ஐயா உம்ம பெயர் என்ன?
நான் நிறைய பெயரால் அழைக்கப்படுபவன்.
சரி. எதாவது ஒன்றைச் சொல்லும்?
வேண்டாம். அடையளம் தெரிந்து விடும்.
அப்ப எப்படிக் கூப்பிடுவது?
நீங்களே எனக்கு ஒரு பெயர் சூட்டுங்க.
ம்.ம்.ம்.
மத அடையாளம் இல்லாமல் ஒரு பெயர்.
உஷார் பார்ட்டிதான். சரி. திருவாளர். எக்ஸ்?
நல்லாருக்கு.
எங்கேப்பா இருக்க?
ஒவ்வொருத்தர் ஒரு இடம் சொல்றாங்க.
நீ சொல்லுப்பா.
என்னை நினைப்பவர் மனசில்.
கடவுள்னு நினைப்பா?
அப்படியே வச்சுக்கலாம்.
எத்தனை பேருய்யா இப்படிக் கிளம்பிருக்கீங்க?
கைவசம் கணக்கு இல்லே.
அப்புறம்?
வேலை ரொம்ப அலுப்பாயிடுச்சு.கொஞ்சம் relax
பண்ணிக்கத்தான் உங்க கிட்டப் பேசறேன்.
என்னாச்சு?
முன்னல்லாம் பாக்க மட்டும்தான் வருவாங்க. இப்ப
அது வேணும்.. இது வேணும்னு ரொம்ப
டார்ச்சர் பண்றாங்க.
உம்மள shopping mallனு நினைச்சிட்டாங்களா?
அப்டீன்னா?
அங்கே குண்டூசிலேர்ந்து ஏரோபிளேன் வரைக்கும்
கிடைக்கும்.
அதே.. அதே.
அப்புறம்?
உங்க பக்கம் என்னை மாதிரின்னு பல பேர் சொல்லிட்டுத்
திரியறதா கேள்விப்பட்டேன்.
யாரு?
உங்க அரசியல்வாதிகளைத்தான் சொல்றேன்.
சொல்லாதீர்யா. கேள்விப்பட்டா வந்து உம்மத்
தூக்கிடுவாங்க.
சரி. என் லைன்ல ஏதோ technical problem
போலருக்கு. சரியாக் காதுல விழல. அப்புறம் பேசலாம்.
உம்மளோட உண்மைப் பேரைச் சொல்லிட்டு வைப்பா.
@@##$$&&***
கடவுள்னு சொன்னமாதிரிதான் இருந்தது.

சர்ச்சை

தனி மனிதர் கடவுளாக்கப் பட்டதின்
பின் விளைவுகளில் ஒன்றுதான்
நித்யாவின் முகமூடி கிழிக்கப் பட்டது.
சிலருக்கு அதிர்ச்சி.
சிலருக்கு கொண்டாட்டம்.
சமீபத்திய செய்தியான
மார்க்சிய தலைவரின்
தற்கொலையை விட
நித்யாவின் sex scandal
பொதுமக்கள் மத்தியில்
பிரபலமானதின்
பின்னணியில் ஏதேனும்
உளவியல் காரணம்
இருக்கக்கூடுமோ?
Do you have any justification
Mr.Sigmand Freud?